ابداكي كيف

ابداكي كيف.....؟

وانا في الارض....

لاموية لاحسا يطول

لاقدرة تديني الامل

لاحيلة تسند فيني طول

ابداكي بس بالله كيف؟

وريني يا حسي الخجول

لاهسه قادر ابتديك

لاجيتي سكتي الفضول

والغيمة ادتني الضهر

واطانشت فيني الحقول

واتشحتف روحي السهت

مشتاقة تسال كل زول

لو مرة شافك في النعاس

بتوضي بيك حسي الكسول

يا راكعة في الجوف اشتهى

تستنى في خشوعي الوصول

يتيمم البحر الحريق

والموية تغرقت في الزهول

مشروقة بيك حد السقف

والموج يكتح في السهول